Skip to content

Customer Service - 09-887-887-504 / 09-446-644-507

Electric Vehicle

NETA လျှပ်စစ်ကားတွေ မြန်မာနိုင်ငံမှာ ဝယ်ယူနိုင်တော့မှာလား

by Aung Myat Shwe MZ 14 Oct 2022


Grand Sirius Enterprise (GSE) ရဲ့ ခြေလှမ်းအသစ်ကို NETA လျှပ်စစ်ကားနဲ့
လျှောက်လှမ်းလိုက်ပြီလို့ ကြေညာထားပြီး အရည်အသွေးကောင်း စျေးချိုသာတဲ့
လျှပ်စစ်ကားများကို အကောင်းဆုံး ဝန်ဆောင်မှုနဲ့ ရောင်းချပေးနိုင်ဖို့ ဆက်လက်
ကြိုးစားသွားပါမယ်လို့ ဖော်ပြထားတာတွေ့ရပါတယ်။


NETA လျှပ်စစ်ကားကုမ္ပဏီ Hozon Auto နဲ့ GSE တို့ဟာ မြန်မာ့ လျှပ်စစ်ကား
စျေးကွက်သို့ ဝင်ရောက်ဖို့ ယခုလ (၁၁) ရက်နေ့က ပူးပေါင်းဆောင်ရွက်မှု
သဘောတူညီချက်စာချုပ်ကို လက်မှတ်ရေးထိုးလိုက်တယ်လို့ Gasgoo Auto News ရဲ့
ဖော်ပြချက်အရ သိရပါတယ်။ သဘောတူညီချက်အရ Hozon Auto ရဲ့ NETA V နဲ့
NETA U တို့ကို မြန်မာစျေးကွက်အတွင်း ဖြန့်ချီရောင်းချဖို့နဲ့ ဆက်စပ်လုပ်ငန်းဆောင်ရွက်ဖို့
ပါဝင်ပြီး ယခုလို လောင်စာဆီစျေးမြင့်မားလာတဲ့ကာလမှာ လျှပ်စစ်ကားတွေကို
စိတ်ဝင်စားမှုရှိလာလို့ မြန်မာစျေးကွက်က အလားအလာကောင်းများ ရှိနေတယ်လို့
ဆိုပါတယ်။


Honzon Auto ကတော့ (၂၀၁၄) မှာ တရုတ်နိုင်ငံ Zhejiang ပြည်နယ်မှာ စတင်
တည်ထောင်ခဲ့ပြီး Jiaxing အခြေစိုက်ဖြစ်ပါတယ်။ (၂၀၁၈) ခုနှစ် မှာတော့
ကယ်လီဖိုးနီးယားရှီ ဆီလီကွန်တောင်ကြားမှာ Autonomous Vehicle Research
Centre ကိုဖွင့်လှစ်ခဲ့ပြီး (၂၀၁၉) ခုနှစ်၊ မတ်လမှာတော့ ဘေကျင်းအခြေစိုက်
Design Centre ကို ဖွင့်လှစ်ခဲ့ပါတယ်။

Ref : GES , GasgooAuto News , KikoDellasDosSantos

#EV #ElectricVehicle
#NETA #NETAV #NETAU

Prev Post
Next Post