iOS 16 မှာဖြစ်ပေါ်နေတဲ့ Bugs တွေ Error တွေကို ဖြေရှင်းထားပြီး
လုပ်ဆောင်နိုင်စွမ်းနဲ့ interface ရွေးချယ်မှုအချို့ကို အဆင့်မြှင့်တင်
ပေးထားတဲ့ iOS 16.1 , iPadOS 16.1 ကို ထုတ်ပေးလိုက်ပါပြီ။

- iCloud Shared Photo Library ပါဝင်လာပြီး မျှဝေချင်တဲ့ ဓါတ်ပုံနဲ့ ဗီဒီယိုတွေကို
သူငယ်ချင်းတွေနဲ့ မိသားစုဝင်တွေကြား ပိုမိုလွယ်ကူစွာ မျှဝေနိုင်ပြီဖြစ်ပါတယ်။

- Live Activities က Lock Screen ကနေ အချိန်နဲ့တစ်ပြေးညီ သိနိုင်မယ့်
အကြောင်းကြားချက် အမျိုးအစားအသစ်တစ်ခုပါ။

- Wallet Key Sharing က ကား၊ ဟိုတယ်အခန်း နဲ့ အခြားသော့တွေကို Messages,
WhatsApp နဲ့ အခြား Messaging App ကနေတစ်ဆင့် လုံခြုံစိတ်ချစွာ မျှဝေနိုင်ပါပြီ။

- Matter Support က Smart Home ချိတ်ဆက်မှုစံနှုန်းအတွက် ထပ်လောင်းပံ့ပိုးမှု
ဖြစ်ပြီး မတူညီတဲ့ Smart Devices တွေကြား အပြန်အလှန်လုပ်ဆောင်နိုင်မှုကို
ခွင့်ပြုပေးတဲ့ ပံ့ပိုးမှုဖြစ်ပါတယ်။

- Delete Wallet App အင်္ဂါရပ်ပါဝင်လာပြီး Apple Pay (သို့) အခြား Waller များ
အသုံးမပြုလိုသူများအတွက် ယခုအခါ လုံး၀ ဖျက်နိုင်ပြီဖြစ်ပါတယ်။

- Battery Percentage icon တွေ မမြင်ရတဲ့ iPh XR , 11, 12 Mini နဲ့ 13 Mini မှာ
Battery Percentage ကို မြင်ရတော့မှာဖြစ်ပါတယ်။

- Face ID ပါတဲ့ iPhone တွေမှာ Status Bar ရှိ Battery icon ရဲ့ အားသွင်းတဲ့အဆင့်
ကို မြင်သာထင်ရှားစွာပြသဖို့ အဆင့်မြှင့်တင်ထားပါတယ်။

အခြား Bug Fixes တွေလည်းပါဝင်ပြီး Features အသစ်တွေလည်းပါဝင်လို့ Update
မလုပ်ရသေးရင် အခုပဲ Setting >> General >> Software Update ကနေ တင်လိုက်ပါ။

Update တင်နေရင်း Error မဖြစ်အောင်လို့ ... အင်တာနက်လိုင်း ကောင်းဖို့
လိုအပ်သလို Storage များများ ရှိနေဖို့လည်း လိုမယ်နော် ...

#iOS16.1 #Apple
#iPhone #iPhone14